Helburua
Irakasleei oinarriak, ibilbideak eta baliabideak eskaintzea ikasleen euskararekiko motibazio baikorra eta atxikimendua lantzeko.
Xede-taldea
LH, DBH eta Batxilergoko irakasleak. Hasieran proiektua bigarren hezkuntzan kokatu bazen ere, gaur egun motibazioa eta atxikimendua lehen hezkuntzan ere lantzeko baliabideak eskaintzen ditu.
Metodologia
Ikastaroetan gidatutako esku-hartzeen bidez, irakasleek motibazioa eta atxikimendua lantzeko formazioa jasotzen dute. Blogeko materialak landu eta ebaluatzen dituzte.
Blogak bost atal nagusi dauzka:
- Ibilbideak. Maila bakoitzerako egokitutako jarduera-sortak.
- Girotzekoak. Ibilbideak osatzeko proposamen laburrak.
- Gelako praktikak. Irakasleek gelaratutako zenbait praktikaren berri ematen du.
- Irakurgaiak. Trebakuntzan sakontzeko materialak.
- Haur eta Lehen Hezkuntzan lan egiteko material egokituak.
Elkarlanean
Esan bezala, proiektua EIBZrena da eta bertako irakaslea den Yolanda Olasagarrek zuzentzen du.
